انا دمية
وسط الطرقة
مرمية
كل واحد يدوس عليا شوية
احلامى بسيطة
لكن غبية
نفسيتى مريضة
لكن متهنية
اهو ده الغباء بعينه
ودى الحياة ومشاكلها
عمرى ما حلمت بعروسة هدية
ولا حتى بوردة فى بوكية متحلية
حلمت بكلمة فيها حنية
ودى قصة حياتى فى موقع مرمية
لا فى حد مهتم بيا ولا حتى طايقين يسمعوا كلمة ليا
ده انا حياتى كلها اغنية
متألفة بجروحى ديه
نسيت اعاتب نفسى على كلامى ده
ولا اعاتب نفسى ليه؟
هى هتشيل اكتر من طاقتها
ده انا كل حاجة فيا بتقول كفاية عليا
قلمى حتى مش همه جرح ليا
كشكولى ولا حتى سأل فيا
ياااه حملي تقيل للدرجة ديه
ده اللى باقى منى شوية حنية
كمان مش قادرين على الحنية
ده انا اموت احسن ليكوا واريح ليا
بقيت قعده بين اربع حيطان وسط دموعى مدارية
مبقاش ادامى غير انى اكون ضيفة شرف من خلال نافذة زجاجية
ولا الصاحبة اللى اقول عليها اخت ليا
تطلع اكبر عدوة ليا
دنيا فيها كل انواع البشرية
وانا دمية
وسط الطرقة
مرمية
هناك ٦ تعليقات:
مش عارف أعتبرها فضفضفة ولا جلد للذات
:(
عااااااااا ليه كل ده يا سومة
وجعتي قلبي بجد
انتي غالية جدا ومش دمية ولا مرمية ولا حاجه
ربنا يسعد ايامك
ومع اني حسيت بمرارة في البوست ده الا ان بجد بتعجبني كتاباتك
تقدر تقول الاتنين يا مايكل
بس بجد اكتشفت بعد القصيدة دى ان فى ناس كتير اوى بتحبنى
ليدي بجد هى حاجه حلوة ان انا بفضفض بكده لانى لو سكت هنفجر
وميرسي انك بتقولى انى غاليه لانى فعلا حسيت بكده لما اتكلمت معاكى
مساء الخير
اول مره اجي هنا
المدونه حلوه
لكن ليه كم الاحباط والحزن ده
عارفه ان الدنيا مش قد كده لكن نقول الحمد لله
تحياتي
الحمدلله ياقمرايا ع كل شئ
وميرسي ع زيارتك للمدونة
يارب تكون زيارة دائمة
إرسال تعليق