الصفحات

23‏/12‏/2010

الجنون


الجنون

أننى أعانى بشىء من الجنون

نعم الجنون

ولكن ليس الجنون العقلى 

أنما الجنون النفسى

أصبت بلعنة التفكير
فعلىّ الآن الهروب

فإذا أردت الهروب

سأهرب إلى قبرى

وسأردم علىّ الرمال

وسأعلن صمتى الأبدى

أننى أجلس كل يوم 

فى غرفة 

بأربعة جدران

يحاصرونى 

من جميع الجهات

وبأيدي اليمنه قلمى

وبالأخرى آلامى 

وعيناى يذرفن الهم

بأدمع كالسيل الجارف

أحلامى محطمة 

بكذبٍ يملئ الأيام 

التى تشبه وحش مخيف يقاتلنى

آمالى متدمرة 

بغدرٍ يحيط البشر

الذين يشبهون قطعة نار ملتهبه تحرقنى 

وبعد كل هذا يخوننى التعبير

يخوننى التعبير عما بداخلى

فقط أريد الهروب

لأتخلص من الجنون

الهروب والجنون 

وجهان لعملة واحدة

ألا وهى أنا

01‏/11‏/2010

عم صلاح جاهين


تصدقوا وتأمنوا بايه

ان صلاح جاهين ده بيه

جدع فى كلامه

حكيم فى اشعاره

وانا بحلف انه بيه

اش اش على الكلام

هو ده اللى علم العلام

ياعم سيبك من فلوسك

واسمع لصلاح جاهين

هتلاقيك اتعلمت منه ملايين

ومش هتقول انك بيه

هتقول صلاح جاهين ده بيه

والله بيه يا بيه

مش عارفه حبيته ليه

يمكن عشان هو فعلا بيه

قولى كده سبب حبك ليه

هتلاقيه دخل القلب من غير ليه

مش بقولك بيه 

والنبى بيه

هندس هندسة الكلام

فى الشعر و الغرام

والشعب لما يصحى وينام

وصف الشبعان والجعان

وصف القوى والغلبان

حبيته حب .. 

حب حب ..

حب مش اى كلام

ده عم صلاح جاهين يا جدعااان

16‏/09‏/2010

اهداء الى سما ليساندرا



كل سنه وانتى طيبه يا جميلة



تعرفى فى طيران اسمه سما ناس

انتى بقى السما والارض وكل الناس

فلما اقولك كده لازم تصدقيني

عشان انا مش بعرف اكدب فى الاحساس

تعرفى كمان بسمتك وضحكتك

هما اللى عملوا للحياه اساس

سمسمه انا بدلعك بس يابنت الناس

اصلك طلعتى احلى من كل الناس

فهمانى ولا اعيد وازيد

عشان اعرف اوصلك الاحساس

كفايه كده احسن يحسدوكى الناس

31‏/08‏/2010

الخدمة حالياً متشفرة


الخدمة حالياً متشفرة

ابداً ابداً انا اللى جوايا متشفرة

كل يوم شفرة جديدة متغيرة

لحد امتى هفضل كده متحيرة 

عاوزة اتشعلق على الحيطة 

زى زمان

ولو قالوا عفريته اقولهم والله انسانه

عندها حنين وحنان

لايام الطفولة والجنان

ما انا اصلاً طول الوقت شاردة الذهن

وعقلى خلاص بأه بتنجان

يعنى عقلى بيفكر شوية بطريقة الامريكان

بس فى عادات وتقاليد لازم احترمها مهما ان كان

ونرجع من الاول تانى ...تانى... تانى

وااااااااااااااه........ يانى ....يانى .....يانى 

و دى اغانى وعجبانى

مع ان الخدمة حالياً يا جماعة مشفرانى
***ـــــــــــــــــــــــــــ****ــــــــــــــــــــــــ***

09‏/08‏/2010

نفسـى اطلع من هدومـــــــــى


نفسـى اطلع من هدومـــــــــى 
 
واعيش حيـاتى بجنونــــــــــى 
 
واعمل عبيطه مهما يلومونـــى
 
واعمل اى حاجه تيجي ع بالـى
 
ده انا لاسعه وحياة كل الاهالــى
 
الفيس بوك ده عارفنى وفاهمنى
 
بلاقــى فيه دنيتــــى وحيـــــاتى
 
وبحـــب اسمــــع عمرو ديــاب
 
وساعات اسمــــع اغــانى راب
 
وبعشــق البحر ويـا الاحبـــاب
 
واللامه الجميلة مـع الاصحاب
 
ويا سلام عليا وانا لابسه الكاب
 
بتكــون دمـاغى فى السحـــاب
 
 بس وعد هطلع من هدومــــى
 
واكيد هعيش حياتى بجنونـــى

24‏/07‏/2010

موعد ولقاء مع الاخوه الاعزاء

اهلا وسهلا مع موعد ولقاء الاخوه الاعزاء
نبدأ من ساعة ماصحيت من النوم
يافتاح ياعليم يا رزاق يا كريم
ارزقنى يارب باى حد ينزل يروح معايا اللقاء
صباح الفل يا ماما انا هروح اللقاء مافيش لقاء غير مع اخواتك شوفيلك حد يروح معاكى
ماماااااااااااا محدش راضى يصحى، قومى انتى، انا بقى طقت فى دماغى انتى اللى هتيجي معايا يعنى انتى اللى هتيجي قومى البس يلاااا هنتأخر مينفعش كده
صباح الفل والورد والياسمين ع عيونك يااماما يا حلوة ياللى جيتي معايا و وصلتيني بس مشيتي عشان العزومة كان نفسى تكملى معايا اليوم
لحد كده ميه ميه وتمام
ــــــــــــــــــ
اول مانزلت من التاكسى كلمت سما ليساندرا

الو سماا
مش سمعاكى كويس انا فى الطريق عالى صوتك
انا وصلت يلا تعالى بقى عشان انا معرفش حد
خلاص انا فى الطريق اهو
يعنى اكلم صبرنى؟
ماشى
سلام
سلام
ـــــــــــــــــــ
رنيت ع صبرنى مش ردت عليا وبعدين لقيتها اتصلت بحب انا الناس الواثقه من نفسها اللى مش بتفتح ع حد و بتتصل ع طول...

وشوفتهم وسلمت عليهم
دعاء مجرد حلم، ندى الياسمين ومريومة بنتها القمر،ابراهيم العدوي .
ـــــــــــــ
و قعدت انا وماماتى ساكتين، واستنينا الناس اللى جايين 
وبعدين جيت ساره طوبار وزوجها استاذ امجد
واستاذ محمد الغرباوى وصل
وايناس (نهر الحب) واختها نسمه (هى فوضى )
ـــــــــــــــــــــــ
وقبل ماندخل المستشفى شديت دعاء من ايديها بكل جرأة قولتلها ماتتعرفى عليا واتعرفنا وعرفتنى ع الناس
وبعد كده دخلنا عشان يتبرعوا بالدم
كان نفسى اوى اتبرع بالدم بس قعدوايقولولى ماينفعش انتى لسه صغيره
يلا شوية كده وابقى اتبرع
ـــــــــــــــــــــــــ
وببص ورايا بالصدفة لقيت سما ليساندرا واووووووووووووووو ماكنتش متخيالكى قمر بالشكل ده دخولك عملى بهجه وسرور بعد ماكنت مضايقه عشان قعده لوحدى فرحت بيكي اوى اوى 
ـــــــــــــــــــــــــــــــــــــــــــــــ
وبعد كده ماما مشيت وسابتنى معاهم وسما قالتلها ماتخافيش هى معايا وكله تمام وحاجات كده وقعدت تطمنها وساره طوبار كمان
ـــــــــــــــــــــــــــــــ
والجميلة داليا قوس قزح جيت هى واستاذ شرين نوروا الحقيقه الدنيا كلها
ــــــــــــــــــــــــــــ
وبعدين قعدنا فى كافيه وطلبت ليمون زى سما الجميله
واتكلموا كتير بقى  وانا سمعت
وقرأت لهم الشعر بتاعى الصغنون اللى ع ادى اوى
وقالولى حلو وشجعونى الصراحه اخدت جرعه انى اكتب تكفيني خمسين سنه 
وحضر استاذ هيثم اطربنا الصراحه
ــــــــــــــــــــــــ
وبعدين روحنا اتغدينا عند بهجت وسمير الجديد
واكلت زى سما برضه سوووووووبر كرانشى
كان حامى اوى مش كملته
وشربت بيبسى بس سما شربت ليمون
واتبقى من الحساب جنيه سما ادتهونى من شنطتها بس كان فضه قولتلها اكتبيلى عليه برضه مافيش مشكلة كتابتلى عليه وصورته كمان
وانا صورته لما روحت
وادى الصورة
ــــــــــــــــــــــــــــ
وبعدين كنت عايزة مناديل ومش معايا فكه الكتكوته نسمه (هى فوضى) جابتلى مناديل
وادى كمان الصورة
ــــــــــــــــــــــــــــــــــــــــ
وعدينا الطريق وسما وخدانى فى ايدها زى بنتها مع انها صغنونه مش عارفه ليه بس كنت مبسوطه بيها اوى تقولى انتى عهده امانه معايا وركبنا تاكسى ورحنا شجر الدر 
وصبرنى كانت مشيت اصلا وبعدها استاذ شرين وداليا قوس قزح
وقعدنا فى حتت مكان تحفه ع الارض  هههههه
واستاذ هيثم غنى كتير واطربنا فعلا
كله بالاثبات الصور جاهزه

حقيقي فرحت اوى انى اتعرفت ع ناس كويسين عقولهم متفتحه وناضجين بالشكل اللى احنا مفتقدينه فى العصر ده
كلكم قمرات بجد
اتعلقت اكتر حاجه ب(سما ليساندرا،مجرد حلم، ايناس نهر الحب، ساره طوبار الجميله)

ــــــــــــــــــــــــــــــــــــ
 ــــــــــــــــــــــــــــــــــــ
 ــــــــــــــــــــــــــــــــــــ
 ــــــــــــــــــ
 ــــــــــــــــــــــــــــــــــــــــــ
 ـــــــــــــــــــــــــــ
ــــــــــــــــــــــــــ
ـــــــــــــــــــــــــــــــــ
ـــــــــــــــــــــــــــــــ
وده قلم سما ليساندرا نسيته معايا والناس بتكتبلى فى النوت بوك بتاعى تعالى بقى عشان تاخديه هههه

انبطاعى عن كل واحد
1. سما ليساندرا: بنوته رقيقه وامورة اوى حبيتها من قبل مااشوفها كانت خايفه عليا اوى زعلت جدا لما مشيت ياريت اشوفك تانى ياقمر

2.رحيل: دمك خفيف اوى وسكره بجد

3.  ندى الياسمين: اهديها اغنية عالى الضحكايه عالى يا ام الضحكايه حكايه

 4. دعاء مجرد حلم: جميلة اوى وفانى خالص

5. داليا قوس قزح :تفكيرها حلو جدا

6.ايناس نهر الحب:انسانه شفافه وشخصيه ممتازة من الدرجة الاولى بتحب شغلها يكون ع اكمل وجه

7. نسمة هى فوضى : متكلمناش كفايه خير غيرها بس شكلك بيبي اوى

8. الاء مازال البحث جار: مالحقناش نتكلم خالص متعوضة ان شاء الله

9. مريم بنت ندى الياسمين : صغنونه وكتكوته وقمرايه يعنى

10. استاذ امجد :حقيقي بتكتب بطريقة متميزة وجميلة

11.استاذ هيثم :صوتك رهيب بجد بسم الله ماشاء نمسك الخشب

12.استاذ محمد الغرباوى: رغم اننا ماتكلمناش بس سبت بصمه جميلة عندى

13.استاذ شرين :فعلا انسان محترم وكويس جدا

ــــــــــــــــــــــــــــــــــــــ
طولت عليكم حقيقي بس فعلا يوم يستاهل كل ده
اتمنى اليوم ده يتكرر تانى ان شاء الله
السلام عليييييييييييكم


20‏/06‏/2010

شوفتها فى منامى


شوفتها فى منامى...

صحيت لقيتها ادامى...

ببصلها لقيتها احلى ملاك فى احلامى...

قولتلها بحبك يا اميرة احلامى...

قالتلى وانا كمان يا اميري وكل امالى...

قولتلها تعالى نهرب بعيد احسن الناس بيحسدونى عليكي...

قالتلى يحسبونا مجانين...

قولتلها يا حبيبتى والنعمه دى انا مجنون بيكي...

وبفكر فى كل دقيقه فى جمال عينيكي...

و اشتاق لطعم شفايفك الجميلة...

واحن لضمت صدرك البريئة...

وبتوحشنى نبرة صوتك الرقيقه...

وحياتى عندك تعالى خديني وضميني...

وعن عيون كل الناس خبينى...

13‏/06‏/2010

احاسيس جميلة


احساس جميل ان بكون فى انسان متعلق فى دراعك ونايم وانت تعبان وتليفونه بيرن وانت خايف تقلقه...



احساس جميل ان يكون فى انسان متشعلق فى رقبتك وانت فى البحر وخايف عليه اكتر من نفسك...
احساس جميل ان يكون فى ناس كتير بتحبهم اوى معاك ومبسوطين وانت خايف اللحظه دى ماتتكرش...



الاحسايس كلها جوايا كانت جميلة امبارح (الجمعه_ اسكندرية _ 11/6/2010) تاريخ من اجمل ايام العمر...


23‏/05‏/2010

بحبك

بحبك........

وهفضل احبك لحد مايخلص عمرى.....

ما انا عمرى مايحلاش الا بيكى ياعمرى.......

بتحبينى...

أتأكدت منها وانتى نايمة فى حضنى....

مش محتاج اسمعها ولا منها فايده تقوليها....

اصلى حسيت بيها من رعشت جسمك وتنهيدك....

وهمس شفايفك مع دقات قلبك وانتى معايا..........

بحبك........

30‏/04‏/2010

صوتها اخر صوت

 كان نفسى يكون صوتها اخر صوت 

واحلم معاها و ادوب وياها

واموت فى هواها موت

بتقولى رنلى قبل ما تنام

يانهار الوان

ايدى مش عارفه تمسك القلم

عقلى مش قادر يستوعب العلوم

اصل علومى كلها فى عينيها

ومعارفى وافكارى كلهم فى لمسة من ايديها

بس يا خسارة معرفتش اخلى صوتها

يكون اخر صوت اسمعه

يلا مش مهم ومايضرش

انا هسمعه بقلبى يا روح قلبى

30‏/03‏/2010

انا بحلف من دلوقتى

انا بحلف من دلوقتى

واللهى لأغير وقتى

هعيش عشان نفسى

والا يوم هفكر فى غيري

ده انا لما بعامل ده كويس يقولوا مذنب

ولو كلمت دى برقه يقولوا مش طبيعى

يعنى أعمل ايه

قولولى الحل أيه؟

والا جيتوا عند دى ومش عرفين تتكلموا

واوعوا تقولوا انى فاضى

انا وحياتكوا مشغول بحياتى

انا هقولكوا الحل ايه

انا هحلف من دلوقتى

واللهى لاغير وقتى

واعيش عشان نفسى

والا يوم هفكر فى غيري

و لو حد عنده كلمه يوفرها لنفسه

عشان انا من دلوقتى هعيش لنفســـــــــى

26‏/03‏/2010

اتقبض عليا وانا فى قصرى



اتقبض عليا وانا فى قصرى...



ذليل فى دنيا مهياش عصرى...



الغريب انى ماسمعتش صوت القاضى اللى بيتكلم ...



لانى كنت سامع صوت ندايا وآهات جوايا...



آهات طالعة بصوت تعبان...



مآهور من الزمان...



صوت طالع منه آنين...



والآنين من السنين...



ده لما ظلمونى وشهدوا عليا الزور...



وصدروا القرار بتحويل اوراقى...



لفضيلة مفتى الديار...



قعدوا يصوتوا عليا بحرقة...



وانا اقول يا اماااا الحقينى اللى حرقتنى المرة دى نار حارقة...



مفرقتش معايا النهاردة التلات والا الاربع...



انا راح اجيب صندوق بيرة واقعد على جنب واسكر...



اهم حاجه انى ماقتلتش السكرانين...



لانى كنت اعقل من كل المجانين...



اعقل من كل المجانين فى دنيا مليانه غدارين...



وابن الكلب الكداب قاعد في بيتهم متهنى وبياكل حمام وكباب...



وانا اتقبض عليا وانا فى قصرى ...



ذليل فى دنيا مهياش عصرى ...

05‏/02‏/2010

I want to do anything different


I want to do anything different....
I want to be a different girl....
I want to meet new people...
I want to find new friends...

 where should I start؟؟؟؟

 My friends from school will always be my friends but we are really different, and I don`t have much fun with them, I always feel like I’m watching them have fun while I just sit there.

 Any ideas?

Any thoughts?
please my life leave me do it.....

30‏/01‏/2010

قرف ومشاكل

قرف ومشاكل
ولافيش حلول
قرف من الواد
قرف من البت
قرف من الراجل
قرف من الست
وهعمل ايه
ولافيش حاجه بتتغير
كل شوية عايزيين فلوس على فلوس
وهنجيب منين والحال لسه ذى ماهو مايل
امتى هنتصلح ونتعدل
طول القرف ماهو موجود
لا فى حاجه هتتصلح ولا تنعدل
طول ما الواد الفرفور بيقول عايز فلوس
والبت تقول عايزة اتجوز
والست هتلطم و تطفش
والراجل ولا عايز يرجع من غربته علشان يلم فلوس
لافى حاجه هتنصلح ولا تنعدل
قرف من كل ناحيه
مشاكل من كل جهه
فى الحاره دى واحد قاتل
وفى الشارع ده بنت مغتصبه
وجوع وفقر فى كل مكان
واحنا نحط الجيل ونعيش بكل برود
ونقول بأيدنا ايه نعمله
لاء لازم تصرخ وتقول فى ايدي كتير اعمله
طول ما الواحد بيفكر فى نفسه
ويقول يلا نفسى
هندوس كلنا ع بعض
ومش هنلاقى الحلول
ولافى حاجه هنتصلح ولا تنعدل
يا ناس فوقوا واصحوا
الخطر محاوطنا من كل مكان
وانتم لسه بتقولوا يلا نفسى
يا شيخ قول واتكلم
صحى فينا ضمايرنا
دى ضمايرنا ماتت من قرون
واحنا لسه قعدين نتكلم
يا حاج ، يا حاج بيت الله
ياللى زرت الكعبه وشوفت فيها النور
قول للبشر اذاى يقدروا يوصلوا للنور
مابنسمعش ليه احاديث رسولنا
ومابنحفظش ليه ع ديننا
لازم نستقيم و الا هنضيع
مش مصدقين؟؟
بامانه هنضيع
يا عالم فوقوا واصحوا
عايزيين نصلح الكون
نكون ايد واحده
وده ماتش كره بيلعبوه
وقال ايه هيكسبوه
والجزاير جزارين
جايه من اسمهم وهما عارفين
وده كله ليه علشان مبقناش ايد واحده
ايد تضم العالم
يكون قلب وكيان واحد
يا عالم فوقوا واصحوا
عايزيين نصلح الكون

26‏/01‏/2010

كل سنة وانتى طيبة يا ارق واطيب قلب




ابدء كلامى بحوار غرامى
بحبك وبحب اللى يحبك
واغير من اللى يشوفك وانا اتمنى اشوفك
بحب فيكي خفة دمك وشقاوتك ونزود عليهم طفولتك
يا ارق واغلى واطيب قلب
كل سنه وانت اختى وصحبتى وحبيبة قلبى
وبمناسبة ان عيد ميلادك النهارده احب اهديلك اغنية
وكمان ورد كتييييييييييير

 لاحلى روح قلب طفلة مش عايزة تكبر
وعقبال مليووووون سنة يارب





يا اعزواغلى واطيب قلب
فسر للعالم معنى الحب
وان شاوروا وقالو عليك طيب
خليك هنا من قلبي قريب
وكفاية تكون انسان في زمان
فيه طيبة القلب بتتعيب


حبيتك انا مع ان الحب اللي جمعنا
مبقاش له مكان زي زمان ابدا ولا معنى
خد قلبي وهات قلبك هاته
يا ابو قلب حياتي بدقاته
الحب ده عقد من الياسمين وقلوب العشاق حباته
والحب ده عمري وغيرك مين يقدر يسعدني باوقاته
صبح اللي يحب في ايامنا طيب وكمان على نياته
ايه يعني يقولو عليك طيب
بس انت تكون مني قريب


يا اعز واغلى واطيب قلب
فسر للعالم معنى الحب
وان شاوروا وقالو عليك طيب
خليك هنا من قلبي قريب
وكفاية تكون انسان في زمان
فيه طيبة القلب بتتعيب...يا طيب

اه منى نسيييييييت التورته معلش معلش هتيجي دلوقتى حاااااالا 
فى الطريق
وسسسسسسسسسسع للكبييييييييير

وكمان واحده لانها طعمها حلو اوووووى





يا رب تكونى مبسوطة وتعيشى طول عمرك مبسوطة ولا فى حاجه ابدا تزعلك فى يوم
وتحققى كل احلامك وطموحاتك باذن الله

ع الهامش: نفسى اشووووووفك بأه يا ليدي 
امتى هيجي اليوم اللى اشوفك فيه يا امورتى؟؟؟؟؟؟



17‏/01‏/2010

يابنت الحلال قتلتينى



يابنت الحلال قتلتينى

وبسحر عنيكي دوبتينى

خدودك وردتين اسقيهم انا من صميم قلبى

شفايفك فراولتين اكلهم انا على مهلى

وشعرك اشوف فيه ليلى

وعيونك دى قمري بأخد منهم انا قوتى

وكلامى معاكى بيزيد من همتى

عملتينى احب ازاى

حببتينى فى صلاتى

وقربتينى من ربى

ده انا كنت خلاص نسيت اخرتى 

واغلط واعمل لدنيتى

ربنا هدانى بيكي

وبقيت اعمل زى مابتعملى

يابنت الحلال قتلتينى

وبسحر عنيكي دوبتينى

خدودك وردتين اسقيهم انا من صميم قلبى

شفايفك فراولتين اكلهم انا على مهلى

يابنت الحلال قتلتينى

وبسحر عنيكى دوبتينى