الصفحات

٢٨‏/١٢‏/٢٠٠٩

هــــــ$$$***$$ــــــــبــــــــ$$***$$$ــــه



هبه يا هبه يا هبه

ده انتى هبه من عند ربنا ليا


انتى اجمل ماشافت عينيا


ده انا لما بشوفك بحس انى هيغمى عليا


قلبى يفضل يدق دقاته الهنيه


طول الوقت بفكر فيكى وبتكلم مع عينيكى


طيبتك ديه هى اللى محيرانى الحيره القوية


طيب اعمل ايه لما بشوفك مبقدرش اقولك الحاجات الحلوة ديه


هبه يا هبه يا هبه


ده انتى هبه من عند ربنا ليا


انتى اجمل ماشافت عينيا

٢٠‏/١٢‏/٢٠٠٩

صورى و رسوماتى واعتز بها.........



ده اسمى عمايل ايديه وحياة عينيه

دى بأه لاختى معلقاها فى الاوضة عندى

دى بأه حاجه شبه داليا البحيري اختى رسماهالى بما انى يعنى بحب داليا 


يعنى ودى هنا اختى بتهديهالى


ده التهييس بعد حصة الرســـم
 


دى بأه علشان خاطر بحب الالوان دى
 


دى بأه المفروض انه فرح
وده عريس ودى عروسة 
باين صح؟
 

جايز المنظر ده متكرر لانى بحب الاماكن الهادية دى
 

دى المفروض انى مش بحبها خالص لانها مش منسقة
ومش معنى يعنى انى بتكلم كده انى بعرف ارسم 
انا مش بعرف ارسم خالص
 
يعنى بحب اشوفها الوانها بتريحنى





دى المفروض انها يعنى بتاعت الامتحان اللى اخدت عليها 2 من 2 وافتخر
بس يعنى مش شايفه انها حلوة لدرجة انى اخد عليها الدرجة النهائية


ده موضوع الطباعه بردو برتاح لما اشوفها مش عارفه ليه؟


يااااااه دى بأه من سنتين 


ام احمد دى بأه تهييس ايام المذاكرة


المفروض ان دول اسماء ناس بحبهم اوى 
 
دى اختى كتبهالى


دى بأه من اياااااااام كى جى 1
 

كتييييير صح؟
دول المكافأت بما انى بجيب المركز الاول فى الامتحانات فى الدروس
 
 

حبيت اوضح الفلوس مكتوب عليها ايه 




ده اول حرف من اسمى بردو من ايام كى جى 1



ودى بأه المدليه بتاعتى
فيها 4 مفاتيح 
وكل دول مدليات مش بعرف افتح الباب من كترهم  


معلش طولت عليكم بس بحب الحاجه بتاعتى اوى وعيزاكم تشوفوها يا ناس يا عــــــــســـــــــــل




١٤‏/١٢‏/٢٠٠٩

انا دمية وسط الطرقة مرمية



انا دمية
وسط الطرقة 
مرمية
كل واحد يدوس عليا شوية
احلامى بسيطة 
 لكن غبية
نفسيتى مريضة 
لكن متهنية
اهو ده الغباء بعينه
ودى الحياة ومشاكلها
عمرى ما حلمت بعروسة هدية
ولا حتى بوردة فى بوكية متحلية
حلمت بكلمة فيها حنية
ودى قصة  حياتى فى موقع مرمية
لا فى حد مهتم بيا ولا حتى طايقين يسمعوا كلمة ليا
ده انا حياتى كلها اغنية
متألفة بجروحى ديه
نسيت اعاتب نفسى على كلامى ده
ولا اعاتب نفسى ليه؟
هى هتشيل اكتر من طاقتها
ده انا كل حاجة فيا بتقول كفاية عليا
قلمى حتى مش همه جرح ليا
كشكولى ولا حتى سأل فيا
ياااه حملي تقيل للدرجة ديه
ده اللى باقى منى شوية حنية
كمان مش قادرين على الحنية
ده انا اموت احسن ليكوا واريح ليا
بقيت قعده بين اربع حيطان وسط دموعى مدارية
مبقاش ادامى غير انى اكون ضيفة شرف من خلال نافذة زجاجية
ولا الصاحبة اللى اقول عليها اخت ليا
تطلع اكبر عدوة ليا
دنيا فيها كل انواع البشرية
وانا دمية
وسط الطرقة 
مرمية



٠١‏/١٢‏/٢٠٠٩

مدى حبى لك....


هل يعبر رصف الكلام على اسطر من الاوهام مدى حبى لك ؟
هل تعبر قصائدى واشعارى فى وصف عينيك مدى حبى لك؟
هل تعبر لهفتى وأشتياقى لرؤيتك فى لحظات البعد مدى حبى لك؟
يا حبيبى لا يعبر كل هذا مدى حبى لك فأنا احبك منذ زمنا بعيدا...
دعنى يا حبيبي نشرب كأسا من الخمر سويا...
دعنى ياعمرى نرقص تحت قطرات الندى ...
دعنى يا حياتى نحلق بالقبلات فوق سماء الحب...
فأنت من جعلتنى اعشق اوقات الخطيئة وانتظرها بلهفة ..
ماذا اقول !!؟ هل حبى لك خطيئة؟؟؟...
لا يا حبيبي حبي لك هو اروع خطيئة...
لانى اكون بين يديك عندما نفعل الخطيئة...
دعنى يا حبيبي اعشق عينيك...
دعنى يا حبيبي اتأمل شفتيك...
دعنى يا حبيبي احبك بجنون...



٢٢‏/١١‏/٢٠٠٩

والدى العزيز


والدى العزيز ...
لماذا تركتنى..؟
تركتنى لأعانى ازمات الزمان بعدك!؟!
لماذا تركتنى..؟
تركتنى ليجن عقلى فى طــــول فراقك!؟!
لماذا تركتنى..؟
ليتوجع قلبى حسرة على عدم لقياك!؟!
لماذا تركتنى فى عالم يأخد ولا يعيطى؟؟
فأنا اريد ان يضمنى احد الى صدره دون مقابل..
اريد ان اغمــض عيني واتوقــف عن التفكـــير..
اريد ان انظر الى البشر نظراتـى الماضـية دون حزن او الم...
اريد رؤيــــتــــــــك بجـــــــــوارى وقــــت المحـــــــن...
اريد عــيــنيك تشفق الى بنظرات الحنان عند المرض..
اننى اعترف بفقدانك ومدى احساسى بالفراغ من غيرك..
ولكن هذا قضاء ربى وربك ان اعيش طول حياتى بدونك اعانى لحظات الم....

٠٩‏/١١‏/٢٠٠٩

مقدرتش اقاوم جمالها ويا رقتها

مقدرتش اقاوم جمالها ويا رقتها
لو عيونى صورتها الف صورة مش كفاية
لو قلبى قارنها بين اى بنت تانية تبأه اكبر كدبايه
اه من جمال عينيها فيهم كل حكاية وحكاية
شدتنى ليها ضحكتها مع حبة من شقاوتها
يا سلام عليها وانا بناديلها وترد بكل حنية
اه من ماشيتها الكون كله يدوب فيها
لو خلصت وصف فيها تبأه خلصت الروايه
ده حلقها بيتزين بجماله عليها
ولا لفت طرحتها تجنن مليون عاشق وعاشق
مقدرتش اقاوم جمالها ويا رقتها
لو عيونى صورتها الف صورة مش كفايه
لو خلصت وصف فيها تبأه خلصت الرواية

٢٥‏/١٠‏/٢٠٠٩

آه وألف آه.....

اه والف اه
اه يا قلبي من وجعك
اه يا حياتي من بعدك
اهين من الزمن اللي يخولك
اهين من كل كلمة بفتكرك
اه والف اه من بعدك
اه يا ابويا من بعدك
اهين لما اعيش يوم من غيرك
اهين لما اكون يوم محتاجلك
اه يا قلبي من وجعك
اه يا حياتي من بعدك

.......................................................
توفي الى رحمة الله تعالى والدي ...أرجو كل من يزور هذه المدونة الدعاء له بالرحمة والمغفرة
اللهم اغفر لابي ..سلمه..وارفع درجته في المهديين..واخلفه في عقبة الغابرين..اغفر لنا وله يارب العالمين ..افسح له في قبره..ونور له فيه

كتب بواسطة مدونة عالم الماريونت

١٠‏/١٠‏/٢٠٠٩

ماذا اكون؟



ماذا اكون؟

اكون اهدأ البشر عندما يمتلكنى التفكير فيـــكِ

ماذا اكون؟

اكون اسعد البشر عندما يمتلكنى حبــــــــــكِ

ماذا اكون؟

اكون اتعس البشر عندما يمتلكنى رحيلـــكِ

ماذا اكون؟

اكون احزن البشرعندما يمتلكـــــــكِ التعـــــب

٢٦‏/٠٩‏/٢٠٠٩

كنتى معايا


كنتى معايا وفى حضنى وجه هو خطفك منى ..
وبتظاهر وكأنى فرحان ليكى وليه ...
بس لاء انا بتقتل قى كل لحظة وكل ثانية بتكونى معاه ...
كان نفسى تكونى معايا وفى حضنى ...
انتى ماكنتيش بتحبينى ....
انت بس كنتى بتقتلينى ....
انت ايه عمرك ماحستينى ....
انا لازم اعيش وفى قلبى حب ماينتهيش ...

مكان لقاء الاحبة


مكان لقاء الاحبة
هنا قابلتها
فى هذا المكان حدثتها
وسلمت عليها وسلمت علىّ
ع رأس شارع بيتي لقيتها
هاهو مكان لقاء الاحبة
نعم هي حبيبتي
نعم هي اختي
نعم هي صديقتي
هي كل ما لي فى هذه الحياة
لا احبها مثل باقي البشر
انا احبها بجنون
فعندما القاها تذوب كل كلمات عشقي لها بين شفتي
وعندما ترحل اتذكر انني لم اقل لها شئ
وانتظر مقابلتها ثانية ً
وتتكرر هذه المشكلة فى كل مرة


١١‏/٠٩‏/٢٠٠٩

ايه انت، وايه انا؟


ايه انت ، وايه انا ؟؟؟؟
اذكرك انت اولا ..!!!
نعم ،اذكرك انت اولا.....!!!
لانك تهمنى اكثر من نفسى .....
واحبك اكتر من حياتى....
احب همسك ....
احب ضحكك.....
واموت من اهاتك وزكرياتك ....
ايه انت ، وايه انا؟؟؟؟؟
انت الهواء الذى استنشقه .....
وانا بدونك لاتكون لى حياة.....
ايه انت ، وايه انا؟؟؟؟؟
انت الحياة واسرارها.....
وانا بدونك كيف اعيش ولا توجد الحياة....
ايه انت ، وايه انا يا حبيبي؟؟؟؟؟؟؟

٣١‏/٠٨‏/٢٠٠٩

انا بنت عاديه جداً



أنا بنت عاديه جداً ..

يحتويني الخداع .. يلبسني المكر

أنا بنت كباقي البنات ..

أكذبْ .. أحتقر .. أنافق

ولكني أختلف في شئ عن كل البنات ..

أنني أجيد فن الكلام ..

وأعرف كيف يكون الغرام ..

وماذا تعني الريشة للرسام ..

أنا بنت عاديه جداً ..

أضحك .. أبكي .. وأصرخ

ولا أكون هكذا ..

وان أحببتم تعرفونى أختصرت الطريق عنكم ..

منذ البداية ..

فأنا بنت عاديه جداً ..

بما فيه الكفاية ..

أعرف كيف أسرد القصص الخيالية ..

والروائع الرومانسية ..

فلا شئ صعب في عالم ..

أشكاله منتقاة من زمن الجاهلية ..

انا بنت عادية جداً

بسيطة .. قنوعة ..

أعرف إلتزاماتي وحدودي النهائية ..

أن أحببتونى غنية .. أكون معكم !!

أن أحببتوني حقيرة متشردة .. أكون معكم !!

أو فقيرة محنطة .. أكون معكم !!

فما أجمل أن تصنعونى من يديكم الرائعة ..

أقنعة للعالم مرئية ..

ولكنني ..

سأختار قناعي بنفسي ..

لأن وجهي لا يتناسب ألا لواحداً ..

من تلك الأغطية ..

أنا بنت عادية جداً ..

وأوراقي كلها لكم مرمية ..

كى تعرفونى جيدا ..

٢٧‏/٠٨‏/٢٠٠٩

سألت نفسى كتير


سألت نفسي كتير
مارستش يوم على بر
أنا اللي فيا الخير ولا اللي فيا الشر
مليان عيوب ولا
خالي من الذنوب ولا
مليان عيوب ولا
خالي من الذنوب ولا
ولا أيه !!!!!
ولا أنا جوايا و مش داري الاثنين في بعض
وخمسميت حاجه و مالهمش دعوة ببعض
أنا مين و فين أنا أيه
مفروش طريقي بورد
ولا الزمان ده أنا فيه
أضعف واحد على الأرض
ولا أنا جوايا و مش داري الاثنين في بعض
وخمسميت حاجه و مالهمش دعوة ببعض

٣١‏/٠٧‏/٢٠٠٩

راحت ايامى وطفولتى

اتغيرت كتير عنى وبعدت اكتر عن الواقع .......
مبقتش انا بقيت حد تانى غيري انا معرفوش .....
حتى مش قادرة اعيش حياته ....
بقيت انسانه متمرده مش قادرة تحدد هى عايزة ايه .........
حتى لما بقعد ادامى مبقاش عرفانى ......
اقول ايه ولا ايه .......
ملامحى اتغيرت راحت فين برأتى وطفولتى الجميلة ...
حتى الطفولة بقت وهم صحيت من النوم لقيت نفسى كبيرة يمكن ....
مش عارفه ابدا اعيش سنى...
ولما بفكر العب اقول ايه ده هوبعد ما شاب ودوه الكتاب.......
الحقيقه مش عارفه اكتب ايه؟؟؟؟؟؟؟
اكتب انى بقيت كئيبه نوعا ما.......
ولا اكتب ليه اذا انا ذات نفسى مبقتش عرفاها....

اتمنى لو عشت فى زمن نزار القبانى

أتمنى لو عشت في زمن نزار قباني , لطلبت منه أن يعلمني كيف أصوغ هذه الكلمات العبقرية , الكلمات الانسانية , الحب الحقيقي الذي نفتقده في هذه الأيام

٢٧‏/٠٧‏/٢٠٠٩

يارب

يا رب
يارب إذا أعطيتني مالا فلاتأخذ سعادتي ..
وإذا أعطيتني قوة فلاتأخذ رحمتي ..
وإذا أعطيتني جاها فلاتأخذ تواضعي ..
وإذا أعطيتني تواضعا فلاتأخذ عزتي ..
اللهم علمني أن أحاسب نفسي كما أحاسب الناس ..
وعلمني أن التسامح هو أكبر مراتب القوة ..
وإن الإنتقام هو أول مظاهر الضعف..
يارب لاتدعني أصاب بالغرور إذا نجحت ..
ولاباليأس إذا فشلت ..
اللهم آمين يارب العالمين

٢٥‏/٠٧‏/٢٠٠٩

الى كل فتاة رومانسية


السلام عليكــم ورحمـة الله وبركاتــة
،،موضوعى هذا الى كل فتاة رومانسية ارجو منك ان تقرأي حروفي هذة بكل تركيزوتفهمي مغزاها جيدا لاني احب لكي الخير كما احبه لنفسي ........ والله يشهدفاحرصي على نفسك وكوني حذرة في تعاملك امام هذه الشاشة وعالمها الواسعاليك غاليتي كلماتي ... ,,,, ......................
لا تصـــــــــــدقي ,,, من خلف هذه الشاشه فليس كل ذو ملمس ناعم حرير ..وليس كل من لبس نظارة سوداء ضرير ..............................
لا تصـــــــــدقي ,,, الكلام المعـــسول لانك تعــرفين المطلوب والهدف..؟؟.............................
لاتصــــــــــدقي ,,, كل ابتسامة فالذئب يبــحث عن الحـــمامة .............................
لاتصــــــــــدقي ,,, من قال اريد الزواج فقد كســـر الزجاج............................
لاتصــــــــــدقي ,,, صاحب الحاجة فهو ينــظر اليك بســـذاجة..!!
*****************************
كونـــــــــــي ,,, فتاة من الصحوة ,, ولاتكوني فتاة تبحث عن نزوة ..!!
كونـــــــــــي ,,, على حذر من المنتديات ,ورسائل الماسنجر, والشات .
كونـــــــــــي ,,, عفيفة طاهرة,, لكي لا تكوني قبيحة عاهرة ..!!
*****************************
اختي العزيزة ...لا تقـــدمي على اي خطــوة بمجرد العاطفة والحب والعشق فمن متع نفســــــه بالحرام فانه يحـــرم من كمال لذة الحلال وتاملي كل تصرفاتك والعواقب المترتبة على ((( ديــــــنك ,, واهــــــــلك ,, وسمعـــــــتك,, وعرضــــــك,, ونفســـــــيتك ...)))

٢٢‏/٠٧‏/٢٠٠٩

محتاجلك

محتاجلك
محتاجلك ذى الارض ما محتاجه لحبات المطر
محتاجلك ذى اوراق الخريف ما محتاجه لحضن الشجر
محتاجلك ذى دموع العين ما محتاجه لخد القمر
انا محتاجلك خدينى ضمينى انا عيزك تفهمينى
انا مهما اغيب وابعد انتى اللى بتسكنينى
مافيش فى القلب غيرك ولا هعشق غير عينك
جوا القلب بشيلك دايب حبيبتى فيكى
ومصدق كل كلمه يا حياتى بتنطقيها
وادوب من اى همسه او دمعه بتدريها (بتخبيها)
واعشق واحلم ولسه حاجات حبيبتى لو تعرفيها
تنسى كل البشر وعيونى تحضنيها
لسه احلام حياة اطفال و نور وادين مجمعين ولا دمعه تهز عينى
وانده يا حبيبتى محتااااااجلك محتااااااااااجلك ..........

٢٥‏/٠٦‏/٢٠٠٩

تاج سياسة الامر الواقع



التاج ده انا شوفته عند صديقتى وحبيبة قلبى رنا

وهى قالت اللى عايزه يتفضله ذي ماهى عملت مع انجى ، او اى حد فى الناحيه الشمال

انا مش عارفه بأه انا مين فيهم اللى فى الناحيه الشمال ولا اللى عايز التاج وبس

بس انا هاخده بأه بمنتهى البجاحه مش مهم لحد ما اعرف انا فى الناحيه الشمال ولا من اللى عايزين ياخدوا التاج كده وخلاص




- اسمك؟


اسماء احمد محمد بس انا كتباه بالانجلش فوق هو مش باين ولا ايه ؟؟-


المشهور بيه وسط اصحابك؟


انى مشكلة وماليش حل وقصيرة وأزعه ودايما لما ينادوا عليه يقولوا ( actress او برنسس) وده طبعا لانى امنية حياتى اكون
ممثلة ، والناس بتدلعنى تقولى يا سوسو، سمسم ، سمسمه، ساسو ، حاجات كتير وساعات بوسى او بوسبوس يعنى الدلع كتير وافتكر
انى مدلعه اوووووى............


- مجال دراستك؟


اهو لسه بنقول يا هادى السنه الجايه ان شاء الله اكون فى 2 اعدادى....


- اسم مدونتك؟


كانت اسمها (لاتتجهم انت لاتعلم من سيقع فى حب ابتسامتك )ودلوقتى اسمها( الحياة حفلة تنكرية) لانى اعتقد فعلا ان الحياة حفلة تنكرية كبيرة .....


- صورتك الرمزية بتعبر عن ايه؟


ناس متفرقين كانوا فى حفلة تنكرية لانى ذى ماقولت اعتقد ان الحياة حفلة تنكرية كبيرة ملهاش اول من اخر.......


- هل فكرت فى اغلاق مدونتك؟ والسبب؟


عمري ما فكرت وعمري ما هفكر ان شاء الله...انا شايفة ان عالم التدوين زيه زي اي عالم فيه الحلو وفيه الوحش...انا مدخلتش
التدوين عشان اطلع منه....لأني ببساطة ماصدقت دخلته

ماعتقدش انى ممكن اغير كلمة فى اللى قالتها رنا لان ده فعلا اللى انا عايزه اقوله........


- ايه رد فعلك لو حد قل ادبه فى تعليق؟


انا معنديش ناس كتير بتعلق غير اللى اعرفهم 2 لانى لسه جديدة فى الخط يعنى ، ولو ده حصل همسح تعليقه بكل هدوء.......


- اسوأ مدونة؟


اى مدونة مش كويسه اكيد مش هتعجبنى ولا ايه؟.........


- هيحصل ايه للميل بعد ما تموت؟


بالله عليكوا ده سؤال يتسأل اكيد يعنى هكون بتحاسب ولا لسه هقعد افكر فى الاميل والشات ده انا هبأه بقول يا حايطه دارينى ومافيش
حاجه هتدرينى يعنى اهو كلام ومع ذلك الاميل هيتقفل بعد ما اموت او ممكن اختى تفتحه.....



- اديت الباس وورد لحد قبل كدة؟

انا مش بادى لاى حد الباس وورد بتاع حياتى الشخصية لانى مش بحب حد يدخل فى حاجه تخصنى ومش بحب احكى حاجه تهمنى انا
وبس لاى انسان لان محدش هيتألم من الحاجه دى غيري او هيفرح من الحاجه دى غيري

بس بردو اديته لشخصية واحده بس اللى بثق فيها ثقه عمياء (اختى الحبيبه).....


- السفر بالنسبة لك ايه؟


حريتى اللى نفسى اخدها مع انى واخده كل حريتى مع الناس اللى عايشه معاهم بس فى حاجات بردو نفسى اعملها لما السفر يجي انى
استقل بنفسى واعتمد على نفسى اصلى مش بعتمد على نفسى خالص بعتمد على ماما واختى دايما ، واكيد فى السفر فلوس وده اللى
يجيب اى حاجه لحد عندك ...


- المود بتاعك ايه؟


انا معرفش مودى ايه ، يعنى انا بحالات ساعه دمى خفيف واضحك اللى حوليا واكون بلعب واتشقه ، وساعه تانية اكون ممله و مش
عايزة حد معايا عايزة اكون لوحدى واقعد فى الضلمة افكر ....


- بتعمل ايه فى وقت فراغك؟


النت اكتر حاجه واخده وقتى انا تقريبا مدمنه نت تقريبا ده ايه ده اكيد، وبعد كده التمثيل ، ثم الكتابه والقراءة

والاكيد ان ماما مش بترضى تودينى عند اصحابى او بمعنى اصح اخرج مع اى حد منهم لان الوحش اكيد بيعدى الكويس لكن لايمكن
الكويس يعدى الوحش ........


- اكتر حاجات بتكرههم؟


بكره الفقر، وقلة الحيله، وقلة الفلوس، والانعدام فى الحب ، وكلمة منين اجيبلك ، ومافيش، و مش عارف مع انه بيكون عارف كل
حاجه ، وحاضر مع ان كلمة حاضر بتريح ماما دايما تقولى كده، وجملة ماتلبسيش ده اصله ضيق اوى او عريان ، وجملة انا شايله ده
لحد ما تتجوزوا علشان اديهولكوا وليه يعنى اتمتع بحياتك قبل مايفوتك قطر الحياة ، مش بحب الكوسة، والسبانخ ،والمكرونة
بالبشاميل، و المكرونة باللبن (بسكر) ، مش بحب عصير الفراولة، والمانجا، والجوافه اى حاجه تقيله يعنى باختصار مش بحب انواع
كتير بردو من العصاير وبكره اللى مايوفيش بوعده ليا ،واللى يكدب عليا.......


- اكتر حاجات بتحبهم؟


اي كلمه حلوة بترضينى وبقتنع بيها مهما كانت صغيرة...بحب التمثيل، والشعر، والكتابه ، بحب الموسيقى الهاديه ، وساعات احب
الراب ... بحب داليا البحيري اوى ، ونزار القبانى ،واغانى زمان ، ونجاة ،وحليم، و عبد المطلب ، و اميمة الخيل. ...بحب الفن الكله
والفنانين..وبحب الاكل جدا مع انى مش بأكل انواع كتير منه اكتر اكله بحبها المحشى ، و البسله ، بموت فى عصير العناب مع انه
يوطى الضغط دايماا اطلبه من ماما تعمله ليا لو تعمللهم اى عصير مش بحبه ،بحب اشيل الاطفال الصغيرين ، والعب معاهم بس
ماحبش انى يكون عندى طفل ممل ويعيط كتير اول ما اى طفل فى ايدى يعيط اجرى اديه لماماته.....وبحب حاجات كتييييييير اوى اوى


- شخصيتك نوعها ايه؟


ياااااااه ده سؤال غبى اوى ... لانى معرفش حتى انا مين انا بتوه من نفسى معرفش انا بروح لحد فين ومين بيرجعنى تانى ليا .... وذى
ماقولت قبل كده ما بحبش حد يتدخل فى حياتى او يعرف حاجه عنى .....

لماذا دخلت عالم التدوين؟


ده السؤال اللى انا مستنياه من ساعة ما بدأت اجاوب على الاسئله الكتيرة دى انا جيت بالصدفة حب استطلاع وبعدين لقيت نفسى حبيته
اوى ومقدرش استغنى عنه لانى حسيت انه هيوصل صوتى لناس كتير ناس تعرفنى ناس تحسنى بجد وقرب قرب قرب واللى مايشترى
يتفرج.... ويا خبر بفلوس بكرة يبأه ببلاش...


- اجمل جملة قيلت فى وصف مدونتك؟

كل اللى اتكتب لحد دلوقتى جميل اوى و بحب التعليقات دى جدا........


- احلى بوست كتبته؟

الله واعلم بس افتكر انه بوست ( للعلم بالشىء فقط) واكيد فى حاجات جايه كتييييييير هتكون احلى .....


- افضل مدونة قريتها؟


انا بحب جدا مدونة عالم الماريونيت وبستنها تنزل اى بوست بفارغ الصبر بس اعتقد انى ممكن اميل لها اكتر وفى لحظها انسها لانى
ذى ماما بتقول انت بتاعت وقتك وقتك


- افضل بوست قريته؟

مش عارفه والله حاجات كتير بس بحب اوى البوستات اللى تلمسنى تدخل تكسر كل مكان جوايا .....


- الشغل بالنسبة لك ايه؟

تحقيق كل احلامى حتى اللى بكون صاحيه فيها


الانترنت بالنسبة لك ايه؟

ادمان ، بحبه ذى مايكون مثلا خطيبي فى اعتبار ماسيكون مع انى معتقدش ده . الصراحة ده افضل صديق عندى بيفدنى كتير اوى ومش
عايز المقابل...........



- تمرر التاج لمين؟

اى حد يحب ياخده يتفضله انا مابحبش اكسف حد انا باجى كتير على نفسى علشان مكسفش حد اظن ده بأه اللى عايزه مش هقوله لاء بس نفسى امرره لانسانه نفسى اعرفها بجد
(H-A)


٢٤‏/٠٦‏/٢٠٠٩

شعار النساء : أنا اشتري .. إذن أنا موجودة


قرأت مقال فى صحيفة بانيت عجابنى اوى قلت اطرحه فى مدونتي ،وجاء هذا المقال كالاتي :



العنوان : شعار النساء : أنا اشتري .. إذن أنا موجودة
وصلت الى موقع بانيت وصحيفة بانوراما ، عبر البريد الالكتروني ، رسالة من متصفح للموقع حول ظاهرة التسوق عند النساء ، جاء فيها:
" كم أتمنى أن يأتي يوم تخبرني فيه زوجتي بأنها أصبحت تكره السوق والتسوق . لكنها أمنية ما أحسبها ستتحقق أبدًا ، فحب التسوق مغروس في قلبها ، يخالط لحمها ودمها ، لا تمل الذهاب إلى السوق ، تدخل محلاً وتخرج من آخر ، دون تعب أو كلل ، في همة شماء ، وعزم ومضاء . وأسألها عندما تبدي رغبتها في الذهاب إلى السوق : هل تحتاجين شراء شيء ؟ فتجيبني في استنكار واستغراب : وهل يجب أن أكون في حاجة إلى ما أشتريه حتى أذهب إلى السوق ؟! وكثيرًا ما أُذكرها بوصف النبي صلى الله عليه وسلم للأسواق بأنها أسوأ الأماكن وأبغضها إلى الله ، ولكن دون جدوى . وأجد لي عزاء في أن النساء جميعهن - أو أكثرهن - على هذا العشق للتسوق والتعلق به ، حتى إن دراسة بريطانية أكدت أن الحالة الصحية للمرأة تتحسن في أثناء تجوالها في الأسواق ، بينما يرتفع ضغط الدم لدى الرجل ، وتتسارع نبضات قلبه ، وتتوتر أعصابه . وقرأت اليوم كلامًا لمتخصص في علم النفس عن التسوق الذي وصفه بـ "الحمى" : أجل " حمى التسوق" حيث يقول " إن التهافت على المتاجر ليس مجرد تسلية ، إنه استجابة لحاجة ملحة ، استجابة تحقق لها الراحة . وأعجبني اعتراف لإحدى النساء بأنها ضحية سهلة لأحابيل إعلانات التخفيض ، وبريق واجهات المحلات ، تقول هذه السيدة : " عندما أكون قلقة ومتوترة فأول شيء أفكر فيه هو التجوال في المتاجر ، حتى صار الأمر عندي مثل الإدمان". وإذا اشتهر قول ديكارت " أنا أفكر إذن أنا موجود " ، فإن امرأة أخرى تقول : " أنا اشتري .. إذن أنا موجودة" فتؤكد بهذا ارتباط التسوق بالنساء ارتباطًا وثيقًا لا انفكاك منه أو عنه . لهذا كله صرت أعذر زوجتي في شدة حبها التسوق ، وقوة تعلقها به ، وعدم سأمها منه ، وتجدد نشاطها كلما رغبت فيه لكنني وضعت ضوابط لهذا التسوق هي : - مرافقتي لها ، أو مرافقة أحد أبنائها ، لزيادة احترام الباعة لها والتزامهم الأدب في تعريف سلعهم وتسويقها . - إذا كنت المرافق لها أخبرتها أن تسوقنا سينتهي قبيل أذان المغرب أو أذان العشاء ( حسب وقت تسوقنا) لنصلي في المسجد ونختم بالصلاة جولتنا التسويقية ، وبهذا أمنعها من التراخي في التجول بين المحلات والتعجيل بشراء حاجاتها . - اذا كان ولدي هو المرافق لها فإنني أحدد لهم المكان الذي سأجدهم فيه والزمان الذي يسبق موعد الأذان بقليل . - أوصيها بالعمل على شراء ما تحتاجه في تسوقها اليوم ، لأنه لن تسنح لنا فرصة أخرى في القريب للذهاب إلى السوق .. وبهذا أحول دون تكرار الذهاب إلى الأسواق لشراء هذا الذي لا يتم شراؤه عادة إلا بعد عدة زيارات للأسواق . أخيرًا ، فإنني لا أخفي عليكم أنني أستفيد أحيانًا من تعلق زوجتي بالتسوق ، فأشترط عليها قضاء وتلبية طلبات لم تكن تقضيها وتلبيها ، قبل أصطحبها إلى السوق".


الرجل الحقيقة عنده حق يعمل اكتر من كده
انا عن نفسي كل شوية اقول لمامتى نفسي فى 20 مليون جنية، 10 مليون فيلا صغيرة على ادى، و5 مليون اعمل بيهم شوبينج، و ال5 مليون الباقين افتح بيهم مشروع صغير (استديو) .....
بستمتع بحاجه اسمها شوبينج
وبحب التصوير جدا وبحب اتصور اوى
ونفسى مخرج ابن حلال يكتشفنى انا موهبه جامده اوى يعنى......


٠٦‏/٠٦‏/٢٠٠٩

تعالى يا ام محمد، وانا اعرفك انت مين؟


تعالى يا ام محمد، وانا اعرفك انت مين؟

اعرفكم بأم محمد ، دى واحده كده ساكنه عندنا فى البيت عاملة ذى الوحوش طريقة كلامها واسلوبها مقذذين بيكون عندى رهبه بشكل غير طبيعي منها ومش عارفه ايه السبب .
المهم عايزنى ادخل فى الموضوع على طول ولا اتكلم على ام محمد شوية ، اصل لو قلتوا اتكلم على ام محمد شوية مش هبطل كلام ، فمن الاحسن ادخل فى الموضوع على طول ، شوفوا بأه وانتوا احكموا ....
فجأة وانا قعدة على الكمبيوتر وبكلم ناس على النت لقيت سلك النت اتشال من عند ام محمد .
فندهت وقولت: `يا سلمى ..، يا سلمى ..`
مين اللى رد عليا..؟؟؟، وقالتلى: ` نعم يا اسماء `،
فرديت وقولتلها: ` ايوة يا طنط سلك النت مفصول ` ،
قالتلى:` اه بس احنا مش فاضين دلوقتى يا اسماء` ،
فرديت وقولتلها :` طيب يا طنط ` ....
وبعدها دخلت الاوضة وحكيت لاختى على كل اللى حصل ،
فردت وقالتلى ` البسى واطلعى اعملى انت السلك `،بمعنى اصح (قعدت تسخن فيا)،
فطلعت لقيتهم بينظفوا الشقة ، فقلتلهم : `عايزة اظبط سلك النت `
، فبنتها ردت عليا : ` انا شلت السلك علشان مايتقطعش يا اسماء` ،
فقولتلها: `طيب بسرعة والنبى علشان عايزة النت اصلى بكلم ناس مهمين اوى` ، وفجأة ام محمد دخلت فى الكلام ذى (القضا المستعجل) ،
فقالت: ` بسرعة اه بسرعه اه هنعملهلكم بسرعة` ، (وفى نبرة صوتها سخرية واستهزأ بطريقة مش كويسة) ....
فنزلت من عندها وانا مضايقة فقولت لمامتى واختى على اللى حصل ..
فردت ماما بكل لا مبالاه : ` وفيها ايه يعنى يا اسماء هى طريقة كلامها واسلوبها كده لازم نتعود عليها ` ،
فردت اختى: ` هى بتحسيسنى ان احنا اللى ساكنين عندها مش هى اللى ساكنة عندنا ` ، فرديت وقلت لماما:` واحده غيرك كانت هزأتها ومرمتت بكرامتها الارض` ،
فردت ماما: ` انا ، انا اعمل كده ، انا انزل مستوايا للبيئة دى ` ،، وانتهى الحديث على كده....
وقعدت بأه أبرطم بالكلام واشتم فيها وانا مضايقة ومخنوقه ، وبالصدفة ليقتها حطط سلك النت ، فسكت ومن هنا حسيت انى ذى الكلب لما نرمى له عظمة فيكف عن النباح . فزعلت جدا من الموقف ده .....
ياترى بأه انتوا شايفين مين اللى غلط فينا انا ولا تلك المتوحشة!!!؟؟؟؟.........

٠١‏/٠٦‏/٢٠٠٩

غيرت لوك المدونة


حبيت اغير لوك المدونة بتاعتى مع انى مكملتش شهر عملاها بس غيرته علشان اعتقد فعلا ان الدنيا كلها على بعضها حفلة تنكرية ، نعم حفلة تنكرية كبييييييييييييرة ملهاش اول من اخر، كل واحد لابس قناع ويغير فيه ويلبس قناع تانى واهيه كلها اقنعه، متهيألى ان الناس كلها لابسه اقنعه علشان تعرف تعيش بس انا عمرى ما احب البس قناع غير ادام كاميرة التصوير اكيد علشان الدور هو اللى عايزنى البس الاقنعة واتحول من ده لده، انا اعرف اتنين يمكن هما بس اللى مش لابسين اقنعة الدنيا وجايز لما يقرأوا المدونة ويشوفوا اللوك الجديد يعرفوا نفسهم لانهم بجد حد جميل اوى ، المهم لازم تعرفوا ان الدنيا كلهاااا حفلة تنكرية ملهاش اول من اخر!!...

٣٠‏/٠٥‏/٢٠٠٩

جولة داخل مدينتى





جولة داخل مدينتى


مدينتى مدينة عالمية على ارض مصرية، مدينة المنصورة هى عاصمة محافظة الدقهلية بمصر، وتبعد 120 كم شمال شرق القاهرة. ويبلغ عدد سكانها450,000 نسمة، مما يجعلها ثاني أكبر مدن الدلتا بعد مدينة المحلة الكبرى.
تاريخها
أنشأت في عهد الملك الكامل أحد ملوك الدولة الأيوبية عام 1221 ميلادية وعرفت باسم جزيرة الورد ثم سميت بالمنصورة بعد النصر فيما سمي لاحقا بمعركة المنصورة الذي حققه الشعب المصري على الحملة الصليبية السابعة التي حاولت احتلال مصر.
و انتصر المماليك في هذه المعركة ورد الحملة الصلبية وتم أسر قائد الحملة الصلبية في ذاك الوقت لويس التاسع بدار ابن لقمان بالمنصورة والتى لازلت موجودة كمتحف تاريخي.
وقعت فيها معركة المنصورة الجوية بتاريخ 14 أكتوبر 1973و تعد هذه المعركة أعظم المعارك الجوية العربية اذ كان لها دور كبير في انتصار مصر في حرب 73
موقعها
وتقع المنصورة على الضفة الشرقية لنهر النيل فرع دمياط وتبلغ مساحتها 20 كم2. وعلى الضفة المقابلة تقع مدينة طلخا.التقسيم الاداري للمدينة (البندر)تنقسم المنصورة إلى العديد من الوحدات المحلية يضمها المجلس المحلي الشعبي لمدينة ومركز المنصورة ومقره ديوان عام المحافظة.يخص المدينة(البندر)منها عدد اثنين وحدة إدارية محلية لكل منها رئيس وعدد من رؤساء الادارات. هما:
حي شرق المنصورة ويختص بها قسم ثان شرطة المنصورة.
حي غرب المنصورة ويختص بها قسم أول شرطة المنصورة.
وفيما يتعلق بالريف والقرى فتضم العديد من الوحدات المحلية مقسمة إداريا على القرى التابعة لمركز المنصورة.
جامعة المنصورة
وتضم المنصورة جامعة تعتبر من أكبر جامعات مصر. وتحتوى جامعة المنصورة على صرح طبى يعتبر أكبر صرح طبى في الشرق الأوسط. كما تعتبر المنصورة عاصمة طب المسالك البولية في جمهورية مصر العربية.وتعتبر المنصورة عاصمة الطب بما تضمه من مستشفياتمستشفى الطوارئ مستشفى الجامعة مركز جراحة الجهاز الهضمي و زراعة الكبد مستشفى العيون مستشفى الاطفال مستشفى الكلي مستشفى السرطان مستشفى جيهان.

معالم المنصورة

الرياضة

أما عن المنشأت الرياضية فتضم
نادي المنصورة الرياضي
- وبه ملعب كورة قدم رسمي.
(استاد المنصورة الرياضي )
-وبه ملعب كورة قدم رسمي وحمام سباحه ونادي اجتماعي والعديد من المنشات الرياضيه.
القريه الاولمبيه (استاد جامعه المنصورة)
-وبه ملعب كورة قدم رسمي وحمام سباحه ونادي اجتماعي وصاله مغطاه وملعب اسكواش والعديد من المنشات الرياضيهالاخري
نادي العمال
المعالم الأثرية
دار ابن لقمان الذي أسر فيه لويس التاسع .
قاعات الفن التشكيلي
قاعة قصر ثقافة المنصورة.
قاعة متحف دار بن لقمان.
المعالم الثقافية

مكتبة مبارك العامة اقيمت المكتبة علي شاطئ النيل فرع دمياط بجوار مبنى محافظة الدقهلية. افتتحت مكتبة مبارك العامة بالمنصورة يوم الأربعاء الموافق 22 يونيو 2005. وتعتبر المكتبة ثالث مكتبة تفتتح في منظومة مكتبات مبارك الإقليمية بعد مكتبتي الوادي الجديد و بورسعيد

الأماكن الترفيهية
نادي جزيرة الورد. (شارع المشاية السفلية)
النادي الإجتماعي بستاد المنصورة.(أمام سجن المنصورة، بشارع عبد السلام عارف)
نادي النيل.(نادي أعضاء هيئة التدريس بجامعة المنصورة)
حديقة الطفل.
حديقة حيوان مقامة على مساحة 12,257 م2 (بحي توريل)
كورنيش النيل.
قصر ثقافة المنصورة.
نادي الحوار بالجزيرة .
أعلام الدقهلية

وقد اخرجت محافظة الدقهلية العديد من النوابغ في مختلف مجالات العلم والفن والرياضة والسياسة والحكم، ونذكر منهم على سبيل المثال لا الحصر :
صلاح محمد نصر النجومي مؤسس ورئيس أول جهاز مخابرات مصرية
محمد فؤاد سراج الدين باشا سياسي وآخر زعماء حزب الوفد التاريخيين
الفيلسوف د.عبد الرحمن بدوى فيلسوف ومفكر
الشاعر نجيب سرور
الكاتب الصحفي أنيس منصور
سيدة الغناء العربي أم كلثوم
الروائي والسياسي محمد حسين هيكل باشا
الكاتب أحمد لطفي السيد باشا
الكاتب رفعت السعيد
الشاعر محمد التابعي
النحات محمود مختار
الملحن رياض السنباطي
الشيخ محمد متولي الشعراوي
الكاتب والشاعر نبيل خالد
الشيخ جاد الحق علي جاد الحق، شيخ الأزهر السابق
المؤرخ محمد عبد الله عنان
الفنان كمال الشناوي
الفنان عادل إمام
الفنان يونس شلبي
الطبيب محمد غنيم(ولد بالقاهرة واستقر بالمنصورة وعشقها ) رائد جراحة المسالك البولية ومؤسس مركز الكلى والمسالك البولية أول وأكبر مؤسسة طبية وتعليمية حكومية لعلاج امراض الكلى في الشرق الأوسط.
البكباشي عبداللطيف البغدادي عضو مجلس قيادة ثورة 1952
الشاعر على محمود طه الملاح التائه
عالم الجيولوجيا فاروق الباز
الكاتب محمد المخزنجي
محمود الخطيب لاعب كرة القدم المصري
الفنانة فاتن حمامة
الشاعر إبراهيم ناجى
الدكتور حمدى السيد نقيب الاطباء
الفنان أحمد خليل
عمرو زكى
تامر عبد الحميد
النهاية
انا لا استطيع ان اتحدث عن النهاية، فانا لا استطيع ايضا وضع نهايتى ،فكيف اضع نهاية مدينتى الكبرى (المنصورة)!!؟هذه المدينة الصامده للابد ،التى تربيت فيها، وترعرعت تحت سماؤه، وكبرت فوق ارضها، واكلت وشربت من خيرتها، فكيف اضع لها نهاية!!؟ لايوجد بها نهايه هذه المدينة القهاره ،نعم فيها ايضا انواعا كثيرة من الاناس منها الطيب والشرير ،الكويس والوحش ،لا استطيع قول شئ عنها ،لا يكفنى كلام كى اوضح حبى لهذه المدينة، فخيرها يغرقنى من جميع الاتجهات، ليــــس لهذه المدينة نهاية ابدا .............................




٢٨‏/٠٥‏/٢٠٠٩

حفلة تنكرية.!!


حفله تنكريه.!!


لقد اكتمل القمر بدراً..وسهرت النجوم على راحة السماء..في ذالك اليوم..تجمهر الجمهور والحضور الغفير...بأقنعتهم الملونه..!الملطخه بالتنكر..!كل قناع..متفرد عن قناع الشخص الآخر...هناك قناع..مميز وفريد..!!وهناك قناع موحش وحزين..!وقناع آخر مليء بالضحكات والفرح يرمق من عينه..حاملاً راية الامل..!!اقنعه..اقنعه..اقنعه....في حفله تنكريه..!..

ليست بقلمى 

اعذريني أيتها الحياة .. صرت افهم



اعذريني أيتها الحياة .. صرت افهم


اعذريني صرت أفهم ..وصار عمري في حياة الجد .. كل شيء
فيه ينظر ..صرت أكبر .. أتنكر . .أتدبر ..صرت افهم .. أن في حلو الحياة صبرا وعلقم ..صرت أدرك أن خلف الابتسام ألف معنى بل و أكثر ..وان خلف
صدى الكلام معنى مضخم..صرت اعلم أن الحياة سلسلة من انعكاسات المرايا لا تعكس
الأضواء حسب بل وجوه في ثياب الصدق كانت تتستر..صرت أبصر كل معنى قد تدثر..صرت أقراء في العيون مكنونا ما كان يفهم.. صرت أعرف من
أن في الكلمات لا .. ولا أريد وأن من حقي الرضا والرفض
أيضا .. صار حزني من الوريد إلى الوريد ..حسبي أني صرت أفهم ..لأجدد الآهات .. واحتسي الحزن
والعميق ثم أندم ..صرت أفهم ..وصار ويلي لا يقدر ..صرت أبصر ..وصرت أقرا
في العيون ألف معنى بل وأكثر ..صرت اكبر .. وصار عمري في حياة الجد .. كل شيء فيه يذكر ..صرت أدرك أن قاموس الصداقة سوف ينظر من جديد وأبقي فيه
من أريد و أحذف منه ما أريد ومن أرى.صرت احزن ..صرت أبتسم الدموع ..والدموع أتبسم ..صرت روحا تحتضر فيها المعاني والأحاسيس والصدق والمبجل ..اعذريني .. صرت أفهم .. صار عمري في حياة الجد .. كل
شيء فيه يذكر كل شيء فيه ينظر..أتفكر .. أتدبر .. كل أمر .. صار ينظر..!



ليست بقلمى

للعلم بالشىء فقط ..



انا ..من انا ؟!! انا بنت بسيطة طيبة حنونة لطيفة وعنيفة كتيييير، مرحة جدا ، بحب الرغى اوى بس مع اى حد غير اللى بحبهم بقف ادام اى حد بحبه والكلام بيدوب من لسانى ذى السكر ما بيدوب فى الميه ...
اصحابى دايما بيقولوا انى مشكلة وماليش حل، بتنطط كتير ، بجرى ، واضحك مع كل الناس اللى اعرفهم واللى حتى معرفهمش علشان اتعرف عليهم ..
كتير بيقولوا انى هبله ومجنونة بس دى طبعا مش حقيقه لانى اكيد عقلى كبييير وعلى رأى المثل :(عقلى يوزن ميت شحص من امثالهم) ....
بتعلق بأى شخص احس انه فعلا يتحب مع ان ده غلط لان كل الناس اللى حبتهم من قلبى بجد اكبر منى يجي ب12 او 15 سنه.
وطبعا دول مش من سنى وده اللى معقدنى انى مش بلاقى حد متفتح الذهن ذى اللى عنده مثلا 24 سنة ده الانسان اللى يشدك...
اما مين فى سنى يشدنى، كلهم دماغهم صغيرة تافهين ...
وعلى سبيل المثال :اختى مثلا عندها 22 سنة لكن عمرى مشدتنى حاجه فيها الا ضحكتها الحلوة اما كشخصية عمرى ما اتشديت ليها هى طيبة اوى وبتحبنى اوى وانا كمان بحبها جدا لكن هى كل امنيتها ان خطيبها يرجع من السفر وتتجوز ذى اى بنت عادية يعنى ، وده مش غلط بس مش دى الشخصية اللى تعجبنى .
ومثال اخر المدرسة بتاعت اللغة الانجليزية بتاعتى دى بأه حكايتها حكاية مع انى معرفش عنها كل حاجه بس والله بتشدلها بطريقة غريبة جدا . طريقة تفكرها عجبانى وحياتها الصراحة بحس ان مافيش حد لسه بيفكر بالطريقة بتاعتها وهو ده اللى مخلينى متعلقه بيها للدرجة دى ممكن يكون كلامى خلص عنها بسرعة لانى ذى ماقولت فى الاول اللى بحبهم اوى لما بتكلم معاهم او عنهم الكلام بيدوب من لسانى ...
واكتفى هذه المرة بهذا القدر من الحديث حتى لا اكون مملة زيادة عن اللزوووم......
(انتظرونى فى موعد اخر )

٢٠‏/٠٥‏/٢٠٠٩

مقدمة

ابدأ من هذه اللحظه فى كتابه مدوناتى & يمكن العمر مش كبير لكن اللى شوفته كتير . أنا قابلت ناس كتير فى حياتى علمونى اشياء كتير& مكنش فى موقف بيمر الا وكان بيعملنى كتير عشان كده انا يمكن اكون 13 سنه لكن عندى خبرااااااات كتير مع الناس اللى اعرفهم او اللى حتى معرفهش.افتكر لما كان عمرى 8 سنين لما كنت لسه شايفه الدنيا وردى زى كتير مننا & زى ماكنا شايفين الناس لسه بيخيرهم &والحب هو قصه سندريلا& والشغل مستنينه بس نخلص& والعريس مستنى بس احنا نقشر.متهيألى الحال اتغير اوووووى واكيد الصوره اتغيرت بس ياترى ليه ! سؤال بتمنى اعرف اجابته ..................