الصفحات

٢٨‏/٠٥‏/٢٠٠٩

للعلم بالشىء فقط ..



انا ..من انا ؟!! انا بنت بسيطة طيبة حنونة لطيفة وعنيفة كتيييير، مرحة جدا ، بحب الرغى اوى بس مع اى حد غير اللى بحبهم بقف ادام اى حد بحبه والكلام بيدوب من لسانى ذى السكر ما بيدوب فى الميه ...
اصحابى دايما بيقولوا انى مشكلة وماليش حل، بتنطط كتير ، بجرى ، واضحك مع كل الناس اللى اعرفهم واللى حتى معرفهمش علشان اتعرف عليهم ..
كتير بيقولوا انى هبله ومجنونة بس دى طبعا مش حقيقه لانى اكيد عقلى كبييير وعلى رأى المثل :(عقلى يوزن ميت شحص من امثالهم) ....
بتعلق بأى شخص احس انه فعلا يتحب مع ان ده غلط لان كل الناس اللى حبتهم من قلبى بجد اكبر منى يجي ب12 او 15 سنه.
وطبعا دول مش من سنى وده اللى معقدنى انى مش بلاقى حد متفتح الذهن ذى اللى عنده مثلا 24 سنة ده الانسان اللى يشدك...
اما مين فى سنى يشدنى، كلهم دماغهم صغيرة تافهين ...
وعلى سبيل المثال :اختى مثلا عندها 22 سنة لكن عمرى مشدتنى حاجه فيها الا ضحكتها الحلوة اما كشخصية عمرى ما اتشديت ليها هى طيبة اوى وبتحبنى اوى وانا كمان بحبها جدا لكن هى كل امنيتها ان خطيبها يرجع من السفر وتتجوز ذى اى بنت عادية يعنى ، وده مش غلط بس مش دى الشخصية اللى تعجبنى .
ومثال اخر المدرسة بتاعت اللغة الانجليزية بتاعتى دى بأه حكايتها حكاية مع انى معرفش عنها كل حاجه بس والله بتشدلها بطريقة غريبة جدا . طريقة تفكرها عجبانى وحياتها الصراحة بحس ان مافيش حد لسه بيفكر بالطريقة بتاعتها وهو ده اللى مخلينى متعلقه بيها للدرجة دى ممكن يكون كلامى خلص عنها بسرعة لانى ذى ماقولت فى الاول اللى بحبهم اوى لما بتكلم معاهم او عنهم الكلام بيدوب من لسانى ...
واكتفى هذه المرة بهذا القدر من الحديث حتى لا اكون مملة زيادة عن اللزوووم......
(انتظرونى فى موعد اخر )

هناك تعليقان (٢):

*DON'T cry over anyone who won't cry over you يقول...

ميرسي اوى يا اسماء على اللى قولتيه عليه حتى لو كان حاجه مش كويسه ، بس شكرا انك افتكرتينى فى مدونتك

أسماء أحمد فى حفلة تنكرية يقول...

سورى يا توتى بس دى حقيقة شعورى من ناحية شخصيتك
وانا بحمد ربنا انه ادانى اخت حنينه ذيك ميرسي انك علقتى على موضوعى